ايوه يا لعيبه

مثل ما خبرتكم قبل اني كنت احب المغامرات والتحدي بشكل فظيع
اهم الاشياء الي كنت دايما استخدمها وما استغنى عنها واحب "اتباهى"بقدراتي فيها هو عالم الفيديو والكمبيوتر
كنت لما يجوا لعندنا اولاد الجيران او اولاد صديقات امي احس نفسي بموت من الفرحه اركض يمين شمال من الفرحه كاني مصروعه وعادي فجاه ادور على مخده احط وجهي فيها واصرخ من الحماس ...طبعا مثل ما ذكرت قبل اهم شي الكرامه مستحيل اعمل نفسي فرحان قدامهم او قدام اخواني الي اصغر مني!! "البرستيج بيضيع بعدين" اسوي نفسي راكده قدامهم ولا همني "انتوا من اصلا؟ انا البوس هنا يالله احترموني" احم -ـ- بس مو دايما احيانا من الحماس انسى موضوع الكرامه هذا

المهم من او الاشياء الي كنت امووووت فيها وما استغنى عنها هي "كمبيوتر"صخر
قال كمبيوتر قال-ـ- ضحكوا علينا جابوا لوح مفاتيح وفتحوا فتحتين للاشرطه ويالله كمبيوتر صار ونحن "حشر مع الناس عيد" كمبيوتر؟؟؟ ايوه ترى عندنا واحد -ـ- بكل وقاحه

هذي صورته*كبيوتر*صخر والاشرطه المعفنه

المهم في يوم من هذي الايام امي قالت لي اليوم بتجي جارتنا ام عبدالله واولادها بيجوا معها خبري اخوانك.
انا طبعا قدامها ماسكه نفسي كان ودي انط من الشباك من الفرحه بس طبعا سويت نفسي عاااادي وسالتها بكل برود وثقل، متى؟ امي :الساعه اربعه بيجون....طبعا انا قلت لها بخبر اخواني و قدامها امشي عادي بهدؤ تااام و اول ما اخرج من المجلس و اوصل للباب ارككككككض ادور على اخواني!! تقول غزال البراري
محمدددددددددد احممممممممد مريييوووووووم يالللله تعالوا
*بما اني رئيسه العصابه...قصدي الاخت الكبيره*كان لي احترام تام وينسمع كلامي خخخخ
المهم قلت لهم جهزوا نفسكم اليوم في اولاد بيجوا عندنا يلعبوا! وطلعوا الكمبيوتر عشان نلعب
*نلعب تعبير مجازي مقصدها -انا بس العب وانتوا اتطالعون*
انا طبعا رحت مع اختي ريوم الغرفه وبدلنا ملابسنا لملابس اكثر "كوليه" الي هي بنطلون -الي من سنه الف وحطبه- الي كانك غسلته قصدي نقعته بكلور سنه
وطبعا البنطلون يجي لفوق بطنك كل ما كان عالي كل ما كان اكشخ -ـ- طبعا المفهوم الحين تغير كل ما كان البنطلون نازل كل ما كان احسن *وع* المهم القميص الي عليه صوره مجله ماجد-هذا القميص كان نادر وعلى وقتنا مجله ماجد كانت من اشهر مجلات الاطفال والي عنده هذا القميص يعتبر كشيخ .المهم بعد الكشخه كنت انتظر الاولاد يجووووون

الساعه اربع وربع جو الضيووووووووووف يا فرحتي ذيك الساعه!
يوم اسمع الجرس كاني اسمع زغاريد عرسي
طبعا ركض عالباب وافتح واشوف ام عبدالله و اولادها عبدالله ،نور و نوره
وعطيتها الابتسامه السحريه البريئه واشوف على الشله الجديده
امي جت سلمت عليها ونحن طبعا ايام اول نشوف بس على بعض كم دقيقه نسوي نفسنا مستحيين تقول صايره خطبه مو اطفال المهم مرت الخمس دقايق ـمالت الثقل- كانها سنه بعيد نطقت الكلمه السحريه
"تريدوا تلعبوا؟" طبعا تشوفوا في هاللحظه النجوم تلمع في عيونهم نفس الكرتون و الموسيقى الي تعبر عن الفرحه "تلتلتلللللللللنننن" المهم الا وهم ايوووووه نريد... ونطلع ركض من المجلس

الحين انا رحت على طول اوريهم الالعاب و"الكمبيوتر"
انا: "بكل تكبر" تعرفوا هذا؟؟
عبدالله"ولدالجيران": ايش هذا!!!؟
انا: *ابتسامه فخر وتكبر" ها ها هذا؟؟ ما تعرفوه؟ هاهاها
كلهم: لاع!
انا: هذااااا...هذاااا ..هذا كااااامباااايوووووووتر
طبعا اخواني الصغار فديتهم كانوا يعتبرني نابغه في هالشي
وكل واحد فيهم جلس يتباهى فيني ... تعرفوا اختي تعرف تشغل وتصلح هذا الكمبيوتر اذا تخرف *اهم شي تصلح* كنت اضحك عليهم الواير اذا طلع شوي من مكانه يفكروه خربان عاد انا "اصلحه" بس اركب الواير زين
المصيبه كنت مصدقه نفسي اصلح!
المهم مع المدح والمدح وانا طبعا جالسه عالكورنر رجل على رجل بس اتلقى المديح عشان اتنازل وافتح الجهاز
المهم قلت لهم الحين بفتح لكم اياه
وفتحت الجهاز وانا فرحااااااانه لا يعني بليز شوفوني
المهم كل مره افتح لهم لعبه مره لعبه الحروف ومره لعبه الرياضيات وكم طبعا واااااااااااااو وانا شفتوا كيف سهل

المهم مر الوقت بسرعه ونحن نلعب لين ما جت امي وام عبدالله دخلو علينا ونحن نلعب
ام عبدالله: ما شاااااء الله عندكم كمبيوتر؟؟
امي: ايوه هذي لعبه
انا طبعا عطيت لامي نظره حقد هذا "كمبيوتر" مو لعبه -ـ- احم
ام عبدالله: بس ما شاءالله يعرفوا اولادك عليها؟
امي: ايوه واكثر شي ساره متعلقه فيها
فجاه طش عبدالله ويقول لامه: ماما.. ماما ترى انا اعرف الحين العب كمبيوتر

لا لا لا لااااااااااا
جالسه اصرخ بداخلي بقووووووووه ولعنت ابو امٍ جابته ونسيت اني فرحت يوم جوا
رماني بسهم الخيانه
انا الحين العبكم وانت الحين تحاول تاخذ عرش اللعوبيه مني؟ وتسوي نفسك شاطر
كنت ابغى اجيب الكي بورد ارميه واكسر فيه اسنانه عشان يحرم ياخذ حقوقي

ام عبدالله: مااااااش اااااء الله لحقت تتعلم كمبيوتر؟؟

كمبتر الله شكله قولي امين -ـ-

عبدالله: ايوه ماما "بكل وقاحه" ترى سههههههههههل!

سهل؟؟ سهل؟؟؟ الحين كيف تتجرأ انت وشكلك تقول سهل
طبعا انا مش سهله قلت لها خالتي ترى ما كثير سهل انا علمتهم الاشياء السهله
ام عبدالله: ترى ولدي بسرعه يتعلم -ـ-

*حلفي بس* الحين اوريكم

انا: تعال عبدالله نوريهم *بخبث* طبعا انا فتحت اللعبه وعملت نفسي اركّب الشريط بالجهاز
وانا اصلا احرك الواير شوي عشان يصك في وجهه فجاه

المهم الاخ فرحان وفاك الحلق ويفتح الجهاز ويفتح لعبه الحروف وكل ما يجاوب صح انا اسوي نفسي متفاعله معه وانط في نفس الوقت ادف الكي بورد برجولي عشان الواير يطلع -"نيهاهاهاهاهاها" ادري خطيره

المهم شوي شوي ينصك الجهاز الكل سكت وصارت لحظه صمت
ام عبدالله: ايش صار؟؟
انا: الكمبيوتر يتخرب وانا بس اعرف اصلحه
عاد اخواني ايووووووه ايوه ساره تصلحه بس
وطبعا عطيت عبدالله نظره الانتصار *تبغى تجلس على عرشي يالبقره الحلوب ما حد قالك*
المهم اول ما "صلحت الجهاز" ركزوا على كلمه صلحت
والكل يصفق وانا داخلي اضحك هاها هاهاهاهاهاهاااااااااااااااااااااي ذوقوه
و ام عبدالله: مااااا شاءالله والله تعرف بنتك يا ام ساره على هالاجهزه
امي: ايوه ماشاءالله عليها تحب الالعاب

انا: -ــ- مره ثانيه!!! العاب!!


ايش رايكم فيني بس


بس اسبوع تكهربت وانا "اصلح" الفاميلي تكهرب مش طبيعي للحين اتذكره
واخواني كانوا يطالعوا فيني وانا اهتز مثل المجنونه
من قوه التكهرب ما كنت اقدر اتكلم الا نفس الروبوت لان جسمي كله يهتز
ررررررووو....ووووو...حووووا.... خاااااخخخخخ خخخببببب بببررررووووا،،، مااا مممممممماااااااا
ماااا ماااااااااااعااااع قمت الخبط في النهايه
بعدين اخواني استوعبوا ونادوا امي
شكلهم فكروني ارقص ولا شي انا ما فاهمه ليش كانوا يتفرجوا علي كاني فلم ولا عرض سرك
طبعا امي ركض و سحبت الواير مال الكهربا وبعدين صفعتني معرف ليه -ـ- الحين انا كنت بين الحياه و الموت تستقبليني بكف ليه؟

المهم شعري ما وقف نفس افلام الكرتون بس يدي احترقت -ـ-



كارما از ابيتش

المدرسه وما ادراك ما المدرسه

طبعا اغلب يومنا كان يروح في المدرسه ١٢ سنه اعمال شاقه من حل واجبات وامتحانات وذل النشاطات المدرسيه
انا بصراحه كنت ايام الابتدائي وحده ما تتفاهم اهم شي الدراسه واشترك في كل النشاطات *طاقه كمينه*ماشاءالله

عالعموم اختكم سوير *انا ايوه ادلع نفسي* انتقلت في حياتها الدراسيه بين ٧ مدارس
لا لا تتحمسوا كثير ما كنت ارسب.. بس بحكم شغل الوالد و تردد امي وشكها بمستوى المدارس الي كنت اروحها ،كنت "فأر" التجارب لاخواني -ـ- بس في النهايه استفدت من الي صارلي في خلال كل هالسنوات

المهم بكلمكم عن اول يوم دخلت فيه المدرسه

اذكر اني كنت لابسه فستان مخطط ابيض و كحلي و...و...احم ....استحي اقولها احمم احم "قبعه"..ها ايش ايوه قبعه كنت انسانه راقيه طيب! زين ما لبست قفازات اليد بعد! زين جات على كذا
انا شخصيتي كانت غريبه وحده تحب تكشخ وتتدلع *تعطي لنفسها احساس بالمختصر*وفي نفس الوقت اكبر مشاغبه ممكن تشوفوها في حياتهم وتحب تنافس الاولاد بشكل خاص لعبه كوره؟ يالله ادخل نفسي غصب، ضرابه ادخل افك الضرابه-مسويه فيها حقوق الانسان- واذا احد غلط على اي بنت او مثلا ضحك في الصف على اي بنت ،بس اعطيهم نظره ليزريه مني المهم محتواها هو: *قسم بالله لا اكسر اسنانك الحين وتكره حياتك واخلي كل المدرسه تقول ان بنت ضربتك فاحترم نفسك لا تصير مهزله المدرسه* اعرف محتوى عميق جدا وحساس
المهم النظره كانت تمشي معظم الاوقات واذا ما مشت يصير السالفه فيها ذبح رقاب ودم

المهم خل ارجع لاول يوم، كنت متحمسه بشكل مو طبيعي -ماكنت اعرف في شي اسمه واجبات- امي خذتني ومعي اختي الصغيره كانت داخله تمهيدي وانا اول طبعا... اول ما دخلت المدرسه والابتسامه العريضه الي على وجهي اختفت في ثواني!
ليش؟؟ انا اقولكم ليش... كانت اصوات العويل والبكا مع صداء "يصدح في اذني" انصعقت من "هول الموقف" قلت انا الظاهر داخله المكان الغلط!! هذا مستشفى ولا مدرسه اعتقد سمعت صهيل بعد -ـ-
الي يشد عباه امه "ماماااااااااااااععععععععع"
والي شعرها صار كشه الدموع مغطي مريولها
والي رامي الشنطه ويصرخ
مشهد ولا افجع من افلام الرعب
هذا وانا ماشيه كيف الي بالصف
المهم دخلت الصف و جلست على طول باول طاوله في النص وبعدي مستغربه ومصدومه ليش هذول يبكوا الحين!!
قلت في نفسي الحين امي طلعت تضحك علي وتقول المدرسه مكان حلو وفيه وفيه طلع مكان للنواح!!
جلست اطالع يمين و يسار اشوف من الي حولي وراي كان ولد يبكي بكى كنت ابغى ارمي صنوق الاكل في وجهه صدعني
وامي طبعا كانت بس تصورتني بعد ما كانت مع المدرسات -ايوه مشهوره الاخت يمكن اصير يعني في يوم من الايام اسطوره فلازم كل شي يتصور ويخلد من امور حياتي - كنت مستغربه من الوضع رحت عن امي بعد ما حطيت الشنطه على الكرسي وعلبه الاكل و"القبعه" ايوه كنت خايفه احد ياخذ مكاني "فيعني محجوز لا حد يقول ما شاف الجبل الي عالكرسي

المهم رحت لامي الي كانت واقفه عند الباب مع المدرسه

انا: ماما..ماماااااا؟؟
امي: ايوه ساره ؟
انا:الحين هذول ليه يبكون كذا؟
امي:لان اهلهم راحوا وهم مش اقوياء وشجعان مثلك ويتحملوا اذا امهاتهم راحوا
-طبعا امي كانت تعرف ماشي بيمشي معي غير تكتيك كتكبير راسي بكم كلمه-
انا: ااااااهااااااا اخييييييييييييييه عليهم شفتي انا كيف ماما؟!!
امي: ايوه شطووووووره يالله روحي كمكانك بتجي ابلتكم
الابله: ماشاءالله عليا كتييير كتيييير شاطره ساره الحلويييييه
روحي لمكانك حبابه انا هلاء راح اجي لعندكن *الابله شاميه*
انا: زين!! *مع اكيد اكبر ابتسامه في العالم و عيني صارت فيها نجوم و تلمع وانا اشوف عليهم فوق مثل الرسوم *


طبعا ركضت لمكاني وانا شاقه الحلق بالابتسامه -ما اعرف كيف قدرت اركض لمكاني وما طحت لان راسي اعتقد كبر ٣ اضعاف من كلام امي والابله
المهم دخلت الابله مع ابتسامه عريضه ومعها صندوق سحري وقالت من بدوا مصاصه وحلاوه؟ نحن الصندوق طلع فيه مصاصات وحلاوه *ابتزاز عيني عينك يعني*المهم بدأت توزع الحلويات والمصاصات مع الابتسامه والكلام الحلو "خدي حبيبتي،خدي يا أمر-قمر- شو بدك حياتي؟ *المهم من هذا الكلام وامي وكمين ام كانوا يشوفونامع نظرات الفخر *تقولوا دخلنا هارفرد ونحن ما نعرف* ...طبعا الي كانوا يبكوا سكتوا ما عاد الاهبل الي وراي اعتقد يبغى يعاندني لاني كنت اشوف ورا عليه وانا مصدومه! ايش هذا من انسان ما شي دم!! فجاه بدأت الابله تسال اسئله تشوف مستوى الطلاب انا طبعا كنت ارفع يدي طول الوقت وامي شكلها كثير فرحانه فيني وطبعا تتشمت علر الامهات الثانيات لان اولادهم كانوا بجم -ترى عمل الخيزرانه والدروس والدفاتر والاقلام ما راحوا سدى كان لهم فايده في النهايه-ا بعد ساعه تقريبا امي خلتني اعتقد لان بعده اثر الحلوى فيني ـهذا طبعا بعيدا عن موضوع اني بطله- انا طبعا خلصت الحلاوه الي عندي وكانت عيني عالصندوق السحري

بكل ادب واحترام و ذوق عطيت الابله الابتسامه الجذابه و مع الصوت البرئ
ونظره الغنمه *مااعرف ليش الاجانب يقولوا على النظره البريئه* عيون الجرو او
الحين نظره الكلب بريئه؟ -ـ-يعني بالله هل في أبراء من نظره الغنم؟ المهم رحت عندها puppy eyes
انا: ابله؟
الابله: نعم!! شو بدك؟!
أنا: ابغى مصاصه "لو سمحتي" *لا لا البنت مأدبه*احم
الابله: شوووو؟؟ مافي!! مافي خلصوا
انا :*كنت اشوف عالصندوق الي عيني عينك فيه حلاوه ويصرخ بعد بليز شيلوني* قلت مافي،في هذا الصندوق؟
الابله: لائه مافي روحي على مكانك هلاء!!
انا: لان عندي كرامه رجعت مكاني بس في داخلي كنت اصرخ
*ااااااااااااااااااااه سووووووود الله وجهك*

هذي كانت ـرسمياـ او حادثه كذب ونفاق مباشر اشوفه من شخص
وهذي كانت "مدرستي" بانيه اجيال المستقبل معلمتي
التربيه ثم التعليم يقولك ترى

طبعا طلعت حرتي في الولد الي يبكي
لفيت راسي وشفت عليه قلت له انت تبكي من ساعه صح؟ *استهبل*
طبعا كان معطيني طاف كبيييييييير وانا اشوف عليه بحقد وبعدين وانا اطالع فيه شفت كانه مكحل عينه
صارت هالات سوده تحت عينه
انا هنا فججت عيوني وقلت بصوت عالي "كحل!!!"

هنا الولد سكت وقال: ها؟؟؟
*من قال ها سمع* قالت له : ف عيونك كحل@ـ@ صح

الاخ شكله تذكر البلوه الي في عينه اشوف الدموع جفت في ثانيه عرف انه شكله غلط..دور وجهه و قالي مالك خص
قلت يعني كحل!!
هنا طبعا طوفني مره ثانيه وقال ابله ابله اريد اروح الحمام *تكرمون*
ايوه انفذ بجلدك تراه عرف نفسه سوا عمله سوده يوم بكى .. ان ياحليلها امه مكشخته ما تنلام اول يوم مدرسه
ما على بالها ولدها يصرخ ويبكي والكحل سايح خلاص


هذا عن اول يوم بالمدرسه

طبعا اذا كملت ايش صار بباقي اليوم ما بخلص
اانا اهم شي رجعت وقلت لامي ان الابله القدوه لما امي طلعت تغيرت شخصيتها فجاه كانها الرجل الاخضر
كل هذا عشان تاخذ الصندوق السحري -ـ- مالت

بس كنت احبها في النهايه الله يذكرها بالخير
*احس حد منكم قال بعد ايش!!* عطيتها اجر عادي خخخخخخخ

يالله يا ماجد

وانا صغيره كنت احب استكشف وكثييييييير اتخيل...ما اعرف ليه كنت افكر نفسي سندباد ولا عندي الفانوس السحري بس كان خيالي واسع لدرجه عادي فجاه اتخيل نفسي احكم العالم واصدق!! من الاشياء الي كنت دايما اتخيلها اني كنت العب مع كابتن ماجد ويحطوني في التلفزيون واصير مشهوره ويصوروني الاطفال
-مثل ما كانوا الاطفال يصوروا مع مجسمات سلاحف الننجا في حديقه الهيلي بالعين مع معلوميه كنا نصدق انهم صحيح الننجا عشان كذا ما استغرب صورت معه كلهم وكل واحد مصوره معه عاليمين ومره عالشمال ما فاهمه القصد من الموضوع بس يمكن كنت اشوف اي جهه اطلع فيها احلى اهم شي ان اهلي مشوني وما جاني كف-
طبعا انا كنت اتخيل اني بشتهر لاني بنت ودخلت فريق الكابتن ماجد وصرت احسن من كل اللاعبيين الي في الرسوم من ياسيين ومن بسام و رعد و وليد وحسان ومدري من بعد

كنت كل يوم بعد المدرسه اول ما اوصل البيت افتح الباب و ارمي الشنطه وانط وراها كاني سوبر مان على غفله-لا جد كنت احس نفسي اطير بالتصوير البطي ورا الشنطه ااااااه- و من دون تفاهم افتح الشنطه وارمي كل الكتب و ابداء احل الواجبات كلها *ادري شاطره* لا يغركم لو ما كانت الخيزرانه مصدر ترهيب رئيسي و المنع من مشاهده الكرتون سبب اخر ما كنت بشوف الكتب اصلاً - بس كنت مجتهده الصراحه- المهم اول ما اخلص
لازم اتغدى لما والدي يرجع من الدوام وكان قانون من قوانين البيت الواحد لازم يخلص الصحن والي ما يخلص الصحن سواء فطور ،غدا او عشا ما يطلع من البيت ولا يشوف التلفزيون
الله يرحم ايام اول كنت ما احب اكل كثير-طبعا الحال تغير الحين 180 درجه الله يرحم ايام العصاقيل - المهم كنت ما احب اكل لدرجه انه امثل اني ابكي واكور نفسي عالكرسي-حركه خبيثه- عشان يشفقوا علي ويخلوني بس اعتقد مشت مع اهلي الحركه مره وحده بس لان بعد ما خلوني اول مره اعتقد من الفرحه والصدمه الي جاتني اني نجحت في خداعهم اثرت فيني فمن وحده كانت تبكي جت فجاه الابتسامه العريضه الغبيه الي مال امها داعي و اركض واهرول برا العب-يعني كملي التمثيليه يا بنت !ماشي- المهم لا حياه لمن تنادي بعدها لو بكيت بدل الدموع دم ماشي كملي الاكل
كنت اكل بالغصب واغمض عيني وابلع وابلع بسرعه بسرعه عشان كابتن ماجد بيبدا

اول ما اخلص اركض الغرفه واغير ملابسي لملابس "خاصه" كنت بس البسها لما يطلع كابتن ماجد -ركزوا على هالمقطع-
اللبس شورت رياضي وقميصه لونهم ابيض واسود-لا ما اشجع مدريد لا تفرحوا الاخت برشلونيه- طبعا لا يفتكوم الدلاغ*الجراب الشراب مدري ايش* منسقه البنت الزي كامل مع الجوتي طبعا،المهم البس اللبس الخاص بسرعه عشان الحق على اغنيه البدايه وهذا من اهم الاجزاء عندي

اول ما يبدا
الكابتن ماجد *تاتا تااا تااا*نجم الملعب *تاتاتااا*نجم رائد ..نجم حساسٌ ومهذب*تاتاااتااااااتا تاتا تاااااااا*
المهم كنت اجيب طاوله مربعه في كورنر المجلس واحطها قدام التلفزيون واسوي نفسي اركل الكوره واغني معهم لا واقلد الحركات الي تطلع يعني *الدبل كيك* انط من الطاوله للكرسي الكبير على ظهري -اعطي لنفسي احساس اني سويتها- وطبعا اذا كان عندي وقت اجيب الكوره وانا فوق الطاوله اركلها ، طبعا لما تخلص الاغنيه انط عالكرسي الي قدام التلفزيون واطالع كانه العيد ومتحمسه
اهم شي اني كنت اصدق ان في اهداف تشرخ المرمى وفي اهداف تطلع نار والوان قوس قزح
-ضحكوا علينا اولاد اللذين-

لما يخلص الكابتن ماجد كنت اكتئب شوي بس-3دقايق- لان في رسوم بعده
بس طبعا في ال3 دقايق ابدل اللبس الخاص واحطه بالكبت
ما يصير هذا بس لماجد -مخلصه ادري- حسيت خذتني العبره من كثر الوفا الي فيني

الله عليك يا ماجد
محطم قلوب العذارى
يخسي الكابتن رابح وثابت من بعدك

بسم الله

هنا راح اتكلم براحتي (يعني بتكلم بالعاميه) وبكتب ذكريات طفولتي و مراهقتي
بس خل اعطيكم لمحه عني
انا بنت خليجيه من مواليد الثمانينات لي مواقف كثيره في طفولتي ومراهقتي المبكره ما ممكن انساها اغلبها لما اذكرها اجلس اضحك على نفسي...لا من جد كنا جدا بريئيين في تصرفاتنا والامور الماديه ما كانت تهمنا مثل ما تهم أطفال الجيل الحالي، ولما اقارن طفوله جيلي بطفوله هذا الجيل احس هناك فرق جدا كبير... اغلب ذكريات طفولتنا *لمواليد الثامنينات* كانت تتركز في التسعينات وهذا يواكب محض التطور الي عشناه تدريجياً وغير كذا،اعرف خطيره استخدم كلمات كبيره بس تواضعا مني بكتب بلغه بسيطه وسهله عالجميع يفهمها

صارت لنا مواقف كثيره في طفولتنا و خاصه في فتره التسعينات لما بدأ العالم العربي بشكل عام والخليجي بشكل خاص
يتوسع في مجالات عده اقتصادياً وإجتماعياً هذا غير التطور التكنلوجي الي عشناه بدأً من استخدام الجهاز اللاسلكي "الجوال،الموبايل،الجي اس ام المهم هوه -ـ-
وطبعا ما ننسى الانترنت وغيره وغيره

الغرض من هالمدونه تسليه الخاطر ونستعيد ذكريات حلوه عشناها كلنا

فبسم الله نبدأ