ايوه يا لعيبه

مثل ما خبرتكم قبل اني كنت احب المغامرات والتحدي بشكل فظيع
اهم الاشياء الي كنت دايما استخدمها وما استغنى عنها واحب "اتباهى"بقدراتي فيها هو عالم الفيديو والكمبيوتر
كنت لما يجوا لعندنا اولاد الجيران او اولاد صديقات امي احس نفسي بموت من الفرحه اركض يمين شمال من الفرحه كاني مصروعه وعادي فجاه ادور على مخده احط وجهي فيها واصرخ من الحماس ...طبعا مثل ما ذكرت قبل اهم شي الكرامه مستحيل اعمل نفسي فرحان قدامهم او قدام اخواني الي اصغر مني!! "البرستيج بيضيع بعدين" اسوي نفسي راكده قدامهم ولا همني "انتوا من اصلا؟ انا البوس هنا يالله احترموني" احم -ـ- بس مو دايما احيانا من الحماس انسى موضوع الكرامه هذا

المهم من او الاشياء الي كنت امووووت فيها وما استغنى عنها هي "كمبيوتر"صخر
قال كمبيوتر قال-ـ- ضحكوا علينا جابوا لوح مفاتيح وفتحوا فتحتين للاشرطه ويالله كمبيوتر صار ونحن "حشر مع الناس عيد" كمبيوتر؟؟؟ ايوه ترى عندنا واحد -ـ- بكل وقاحه

هذي صورته*كبيوتر*صخر والاشرطه المعفنه

المهم في يوم من هذي الايام امي قالت لي اليوم بتجي جارتنا ام عبدالله واولادها بيجوا معها خبري اخوانك.
انا طبعا قدامها ماسكه نفسي كان ودي انط من الشباك من الفرحه بس طبعا سويت نفسي عاااادي وسالتها بكل برود وثقل، متى؟ امي :الساعه اربعه بيجون....طبعا انا قلت لها بخبر اخواني و قدامها امشي عادي بهدؤ تااام و اول ما اخرج من المجلس و اوصل للباب ارككككككض ادور على اخواني!! تقول غزال البراري
محمدددددددددد احممممممممد مريييوووووووم يالللله تعالوا
*بما اني رئيسه العصابه...قصدي الاخت الكبيره*كان لي احترام تام وينسمع كلامي خخخخ
المهم قلت لهم جهزوا نفسكم اليوم في اولاد بيجوا عندنا يلعبوا! وطلعوا الكمبيوتر عشان نلعب
*نلعب تعبير مجازي مقصدها -انا بس العب وانتوا اتطالعون*
انا طبعا رحت مع اختي ريوم الغرفه وبدلنا ملابسنا لملابس اكثر "كوليه" الي هي بنطلون -الي من سنه الف وحطبه- الي كانك غسلته قصدي نقعته بكلور سنه
وطبعا البنطلون يجي لفوق بطنك كل ما كان عالي كل ما كان اكشخ -ـ- طبعا المفهوم الحين تغير كل ما كان البنطلون نازل كل ما كان احسن *وع* المهم القميص الي عليه صوره مجله ماجد-هذا القميص كان نادر وعلى وقتنا مجله ماجد كانت من اشهر مجلات الاطفال والي عنده هذا القميص يعتبر كشيخ .المهم بعد الكشخه كنت انتظر الاولاد يجووووون

الساعه اربع وربع جو الضيووووووووووف يا فرحتي ذيك الساعه!
يوم اسمع الجرس كاني اسمع زغاريد عرسي
طبعا ركض عالباب وافتح واشوف ام عبدالله و اولادها عبدالله ،نور و نوره
وعطيتها الابتسامه السحريه البريئه واشوف على الشله الجديده
امي جت سلمت عليها ونحن طبعا ايام اول نشوف بس على بعض كم دقيقه نسوي نفسنا مستحيين تقول صايره خطبه مو اطفال المهم مرت الخمس دقايق ـمالت الثقل- كانها سنه بعيد نطقت الكلمه السحريه
"تريدوا تلعبوا؟" طبعا تشوفوا في هاللحظه النجوم تلمع في عيونهم نفس الكرتون و الموسيقى الي تعبر عن الفرحه "تلتلتلللللللللنننن" المهم الا وهم ايوووووه نريد... ونطلع ركض من المجلس

الحين انا رحت على طول اوريهم الالعاب و"الكمبيوتر"
انا: "بكل تكبر" تعرفوا هذا؟؟
عبدالله"ولدالجيران": ايش هذا!!!؟
انا: *ابتسامه فخر وتكبر" ها ها هذا؟؟ ما تعرفوه؟ هاهاها
كلهم: لاع!
انا: هذااااا...هذاااا ..هذا كااااامباااايوووووووتر
طبعا اخواني الصغار فديتهم كانوا يعتبرني نابغه في هالشي
وكل واحد فيهم جلس يتباهى فيني ... تعرفوا اختي تعرف تشغل وتصلح هذا الكمبيوتر اذا تخرف *اهم شي تصلح* كنت اضحك عليهم الواير اذا طلع شوي من مكانه يفكروه خربان عاد انا "اصلحه" بس اركب الواير زين
المصيبه كنت مصدقه نفسي اصلح!
المهم مع المدح والمدح وانا طبعا جالسه عالكورنر رجل على رجل بس اتلقى المديح عشان اتنازل وافتح الجهاز
المهم قلت لهم الحين بفتح لكم اياه
وفتحت الجهاز وانا فرحااااااانه لا يعني بليز شوفوني
المهم كل مره افتح لهم لعبه مره لعبه الحروف ومره لعبه الرياضيات وكم طبعا واااااااااااااو وانا شفتوا كيف سهل

المهم مر الوقت بسرعه ونحن نلعب لين ما جت امي وام عبدالله دخلو علينا ونحن نلعب
ام عبدالله: ما شاااااء الله عندكم كمبيوتر؟؟
امي: ايوه هذي لعبه
انا طبعا عطيت لامي نظره حقد هذا "كمبيوتر" مو لعبه -ـ- احم
ام عبدالله: بس ما شاءالله يعرفوا اولادك عليها؟
امي: ايوه واكثر شي ساره متعلقه فيها
فجاه طش عبدالله ويقول لامه: ماما.. ماما ترى انا اعرف الحين العب كمبيوتر

لا لا لا لااااااااااا
جالسه اصرخ بداخلي بقووووووووه ولعنت ابو امٍ جابته ونسيت اني فرحت يوم جوا
رماني بسهم الخيانه
انا الحين العبكم وانت الحين تحاول تاخذ عرش اللعوبيه مني؟ وتسوي نفسك شاطر
كنت ابغى اجيب الكي بورد ارميه واكسر فيه اسنانه عشان يحرم ياخذ حقوقي

ام عبدالله: مااااااش اااااء الله لحقت تتعلم كمبيوتر؟؟

كمبتر الله شكله قولي امين -ـ-

عبدالله: ايوه ماما "بكل وقاحه" ترى سههههههههههل!

سهل؟؟ سهل؟؟؟ الحين كيف تتجرأ انت وشكلك تقول سهل
طبعا انا مش سهله قلت لها خالتي ترى ما كثير سهل انا علمتهم الاشياء السهله
ام عبدالله: ترى ولدي بسرعه يتعلم -ـ-

*حلفي بس* الحين اوريكم

انا: تعال عبدالله نوريهم *بخبث* طبعا انا فتحت اللعبه وعملت نفسي اركّب الشريط بالجهاز
وانا اصلا احرك الواير شوي عشان يصك في وجهه فجاه

المهم الاخ فرحان وفاك الحلق ويفتح الجهاز ويفتح لعبه الحروف وكل ما يجاوب صح انا اسوي نفسي متفاعله معه وانط في نفس الوقت ادف الكي بورد برجولي عشان الواير يطلع -"نيهاهاهاهاهاها" ادري خطيره

المهم شوي شوي ينصك الجهاز الكل سكت وصارت لحظه صمت
ام عبدالله: ايش صار؟؟
انا: الكمبيوتر يتخرب وانا بس اعرف اصلحه
عاد اخواني ايووووووه ايوه ساره تصلحه بس
وطبعا عطيت عبدالله نظره الانتصار *تبغى تجلس على عرشي يالبقره الحلوب ما حد قالك*
المهم اول ما "صلحت الجهاز" ركزوا على كلمه صلحت
والكل يصفق وانا داخلي اضحك هاها هاهاهاهاهاهاااااااااااااااااااااي ذوقوه
و ام عبدالله: مااااا شاءالله والله تعرف بنتك يا ام ساره على هالاجهزه
امي: ايوه ماشاءالله عليها تحب الالعاب

انا: -ــ- مره ثانيه!!! العاب!!


ايش رايكم فيني بس


بس اسبوع تكهربت وانا "اصلح" الفاميلي تكهرب مش طبيعي للحين اتذكره
واخواني كانوا يطالعوا فيني وانا اهتز مثل المجنونه
من قوه التكهرب ما كنت اقدر اتكلم الا نفس الروبوت لان جسمي كله يهتز
ررررررووو....ووووو...حووووا.... خاااااخخخخخ خخخببببب بببررررووووا،،، مااا مممممممماااااااا
ماااا ماااااااااااعااااع قمت الخبط في النهايه
بعدين اخواني استوعبوا ونادوا امي
شكلهم فكروني ارقص ولا شي انا ما فاهمه ليش كانوا يتفرجوا علي كاني فلم ولا عرض سرك
طبعا امي ركض و سحبت الواير مال الكهربا وبعدين صفعتني معرف ليه -ـ- الحين انا كنت بين الحياه و الموت تستقبليني بكف ليه؟

المهم شعري ما وقف نفس افلام الكرتون بس يدي احترقت -ـ-



كارما از ابيتش